حريشات صغار في الفرن

المقادير:

2بيضات

كأس معمرش السكر

كأس معمرش الزيت

كأس معمرش الكوك

ياغورت فاني

واحد فانية

2 خمارات حمرين

قشرة برتقالة اختيارية

3كؤوس سميدة الحلوة

الطريقة :

نطرب البيض والملح والسكر والفاني مزيان ثم نزيد الزيت والياغورت ثم الكوك والسميدة عاد نزيد الخميرة وتغطي الخليط ونخليه حتى اشرب حسب نوع السميدة .نأخذ صحن وندير فيه الكوك والسميدة ونخلطهم. ونشكل كويرات ونفندهم في خليط السميدة والكوك. ونوضعهم في الطاوة مدهونة ونباعدهم بش ميلصقوش لينا وندخلهم الفرن البلاصة لي شاعلة حتى تشقق ثم نردوها البلاصة لي مافيهاش العافية حتى تكمل الطياب.

بالصحة والراحة.